Goal24.uz » Жаҳон » Афсуски, янги мавсумда уларни энди майдонда кўрмаймиз

Афсуски, янги мавсумда уларни энди майдонда кўрмаймиз

Автор: admin

Гоал24.уз футболчилик фаолиятини 2020 йилда якунлаган афсоналар билан таништириб ўтади.
Икер Касиляс
Аслида, ўтган мавсумдаёқ Икернинг яшил майдонга қайтмаслиги аниқ бўлиб улгурган эди. Бу мавсумда у расман қўлқопларини михга илиб юборди. Ўз фаолияти давомида 30дан ортиқ совринларни боши узра кўтарган кипер 21 асрнинг энг яхши дарвозабонларидан бири сифатида тарихдан ўрин эгаллади.
Стефан Лихтштайнер
Швесария терма жамоаси сардори “Аугсбург” билан ўртадаги шартнома якунлангач, бироз муддат клубсиз қолиб кетди. Оқибатда, бутсаларини михга илиб юборишга қарор қилди. Терма жамоа сафида 100 дан ортиқ ўйин ўтказган ҳимоячи “Ювентус” билан 14 та совринни боши узра кўтаришга муваффақ бўлди.
Бенедик Хёведес
Германия терма жамоаси билан ЖЧда ғолиб чиққан ҳимоячи Москванинг “Локомотив” клуби сафида ишончли ўйин кўрсатаётган эди, бироқ 32 ёшида футбол билан хайрлашди. Ўзининг қарорини ушбу спорт унга аввалгидек қадрдон эмаслиги билан изоҳлаган ҳимоячи, эндиликда мураббийлик курсларига ҳужжат топшириш ҳақида бош қотирмоқда.
Жереми Матё
Афсуски, Жереми футболчилик фаолиятини жароҳат сабабли якунлади. Бу футболчи учун энг ёмон якун. “Валенсия”даги фантастик ўйинлари сабабли уни “Барселона” 30 миллион евро эвазига сотиб олади. 30 ёшдан кейин сотиб олинган энг қиммат ҳимоячига айланган француз негадир Каталония клубида ўзини кўрсата олмади. Шунга қарамай, “Барселона” сафида 9 та совринни ўзиники қилиб олди.
Лейтон Бейнс
Лейтон анчадан бери “Эвертон”нинг асосий футболчиси. Шу сабабли, унинг футболдаги илк клуби “Уиган” бўлганидан кўпчиликнинг хабари йўқ. Пеналтилар устаси саналган ҳимоячини янги мавсумда “Эвертон” таркибида кўрмаймиз. У камтарин футболчи эди. Футболдан кетиши ҳам катта шов-шув кўтармади.
Венсан Компани
Ушбу таркибимиздаги яна бир фантастик футболчи. “Манчестер Сити”нинг узоқ муддат алмаштириб бўлмас футболчиси мақомида тўп тепган ҳимоячи бу мавсумни “Андерлехт”да ўтказди. Деярли ўйновчи мураббийга айланган ҳимоячи келаси мавсумдан бошлаб клубнинг мураббийлар штабида кўриниш берса, ажаб эмас.
Эмре Белезоглу
Турк футболчиси деярли 20 йил давом этган фаолияти давомида “Галатасарой”, “Интер”, “Атлетик”, “Нюкасл”, “Фенербахче” ва “Истанбул” сингари жамоалари шарафини муносиб ҳимоя қилди.
Фаолияти давомида 19 та совринни боши узра кўтарган футболчи бу мавсумда барчасига нуқта қўйишга қарор қилди.
Андре Шюррле
2014-йилда Германия сафида ЖЧ ғолиблигини қўлга киритган Андре ҳам нисбатан эрта футбол билан хайрлашди. 29 ёшида спортдан зерикиб қолган немисни жароҳатлар боши берк кўчага олиб кириб қўйгани бор гап.
Ўз фаолияти давомида атиги 5 та совринни боши узра кўтарган бўлсада, унинг молиявий аҳволига ҳавас қилиш мумкин.
Клаудио Писсаро
Бундеслиганинг чинакам фарзанди – Писсаро 41 ёшида футбол билан хайрлашди. Бир йўла “Бавария” ва “Вердер” клублари фахрига айланган ҳужумчи совринларининг деярли ҳаммасини Мюнхен жамоаси билан қўлга киритди.
“Бавария” сафида 224 та ўйин ўтказган ҳужумчи 86 бор рақиб дарвозаларини ишғол қилишга муваффақ бўлди. Унинг совринлари орасида Европа чемпионлар лигасиинг олтин медаллари ҳам бор.
Арис Адурис
“Зорро” лақаби билан “Атлетик Билбао” клуби мухлислари юрагидан ўрин эгаллаган ҳужумчини ҳам келаси мавсум яшил майдонда кўрмаймиз. 39 ёшида ҳам чакки мавсум ўтказмаган форвард “Барселона” билан ўйинда бутсаларини михга илишни режа қилган эди, аммо жароҳат бунга имкон қолдирмади. Натижада, Адурис анча эртароқ ҳаммаси якунланганини расман эълон қилди.
Марио Гомес
2018/19-йилги мавсумда “Штутгарт” билан Бундеслигадан пастга равона бўлган Гомес жамоа мухлисларига келаси мавсумда яна Бундеслигага қайтишга ваъда берган эди. Эътиборлиси шундаки, 2019/20-йилги мавсумда ҳужумчи ўз ваъдасининг устидан чиқди. Айниқса, унинг ҳал қилувчи учрашувларда киритган 7 та голи “Штутгарт”га элита чипталарини тақдим этди. Жамоа янги мавсумни Бундеслигада бошлашига қарамай, Гомес футболдан кетишга қарор қилди.
103   
Добавить комментарий
Ваше имя: *