“Барселона” ҳужумчиси Лионел Мессининг отаси Хорхе Месси ўғли “Манчестер Сити”да ўйнашни истаётгани ҳақидаги маълум қилди, дея хабар қилмоқда ЛъЭқуипе.[banner_texturta]{banner_texturta} [/banner_texturta]Манбада таъкидланишича, 28-август куни ПСЖ спорт директори Леонардо Хорхе Месси билан музокара олиб борган. Унда Хорхе ўғли “Манчестер Сити” вариантини танлаб бўлгани ва Парижга боришни хоҳламаслигини айтган.
Аввалроқ 33 ёшли футболчи “Барселона”ни тарк этиш қарорига келгани ва бу ҳақда клуб раҳбариятига факс жўнатгани маълум бўлганди.
Месси 2019/20-йилги мавсумда “Барселона” сафида 44 ўйин ўтказиб, 31 та гол ва 24 та голли узатма муаллифига айланди. Аргентиналик футболчининг каталонлар билан амалдаги шартномаси 2021-йилга қадар мўлжалланган.