«Фулҳем» ўз расмий сайтида «Лион» ҳимоячиси Кенни Тетени сотиб олганини эълон қилди.
Лондон клуби 24 ёшли нидерландиялик билан 4 йиллик битим имзолади. Шартномада уни яна бир йилга узайтириш мумкинлиги кўзда тутилган. Трансфер қиймати ошкор қилинмади.
Аввалроқ Тетега Москванинг «Спартак» клуби қизиқаётганлиги, «қизил-оқлар» ҳимоячи учун 5 млн евро тўлаш борасида келишувга эришишгани хабар қилинганди.

Тете «Аякс» тарбияланувчиси саналади. У «Лион»га 2017 йили 4 млн еврога ўтган. Кенни ўтган мавсумда Францийа чемпионатида 18та баҳсда майдонга тушиб, 1та голга ассистентлик қилган.