
«Реал» ярим ҳимоячиси Гарет Бейл навбатдаги мавсумни ижара асосида «Тоттенхем»да ўтказадиган бўлди.
Уелслик футболчининг агенти Жонатан Барнеттнинг таъкидлашича, трансфер масаласи ҳал бўлган.
«Реал» Бейл маошининг ярмини тўлайди. Гарет бугун, 18 сентябр куни Лондонга йўл олади. Бейл 2007-2013 йилларда «Тоттенхем» шарафини ҳимоя қилган. Мадридликлар ўша пайтда Гарет учун рекорд миқдордаги 100 миллион евро тўлашган эди.
Манба: спортс.ру