“Манчестер Сити” бош мураббийи Хосеп Гвардиола Англия Премер-лигасининг 30-туридан ўрин олган “Ливерпул” – “Манчестер Юнайтед” учрашувини томоша қилишдан умидлари билан ўртоқлашди.
“Ўйинни мухлис сифатида томоша қиламан. Мен уйда томоша қиламан. “Юнайтед” очко олишини истардим. Аммо, агар «Манчестер Сити» АПЛнинг кейинги ўйинларида ўз вазифасини бажармаса, ўйин натижаси ҳеч нарсага таъсир қилмайди. Биз иккала жамоадан ҳам янги нарсаларни ўрганишимиз мумкин», - дея Гвардиоланинг сўзларини келтиради Манчестер Эвенинг Неwс.

«Манчестер Сити» 31 турдан кейин 74 очко билан АПЛ турнир жадвалида пешқадамлик қилмоқда. Бир очко кам тўплаган “Ливерпул” эса иккинчи ўринда. «Манчестер Юнайтед» 32 ўйиндан кейин 54 очко билан бешинчи ўринни эгаллаб турибди.