Туринци чемпионни Италия кубогидан чиқариб юборди.

«Торино» бош мураббийи Иван Юрич кубокда «Милан» устидан қозонилган ғалаба ҳақида фикр билдирди.
“Барчамиз жуда хурсандмиз, бу Президент, мухлислар ва барча учун ажойиб оқшом. “Милан” билан 11-11-да тенг кураш олиб бордик. Жамоамиз 10 кишига қисқарганидан кейин ҳам биз тартибли ва диққатимизни жамлаган эдик.

Қизил карточкагача Торо вазиятлар яратди, “Милан” билан бир савияда ўйнади ва менимча, ажойиб ўйин кўрсатди. Шу билан бирга қизил карточка ноҳақ кўрсатилди деб ўйлайман.

Калюлу, Томори ва Габбия каби кучли ҳимоячиларга қарши тўпни яхши ҳаракатлантирдик. Бу осон эмас эди. Тўғри, охирги учдан бирида кўпроқ нарса қилишимиз мумкин эди, лекин умуман олганда, биз жуда тажовузкор жамоага қарши яхши курашдик”, деди Иван.