Goal24.uz » Ўзбекистон » Jasur Jaloliddinov «Bonavento»ga o‘tadimi? (intervyu)

Jasur Jaloliddinov «Bonavento»ga o‘tadimi? (intervyu)

Автор: admin

Toshkentning “Bunyodkor” jamoasi futbolchisi va o‘zbek futbolining ertasi deb ta’rif berilayotgan Jasur Jaloliddinov bilan intervyu uyushtirdik. Ushbu suhbatimiz orqali karantindagi hayoti, “Bonavento” bilan amalga oshishi mumkin bo‘lgan transferi haqidagi savollarga javob olishga muvaffaq bo‘ldik.
 
— Karantinda nimalar bilan bandsiz?
— To‘g‘risi, vaqtimning katta qismini oilam davrasida o‘tkazyapman. Bundan tashqari, anchadan beri amalga oshirishga vaqt topa olmagan mashg‘ulotlarim bilan bandman.
— Sport formangizni ushlab turish qiyinchlik tug‘dirmayaptimi?
— Katta qiyinchilik tug‘dirmayapti. Afsuski, hozirda kichik jarohatim bor. Shu sababli mashg‘ulotlar o‘tkazmayapman.
— Sizning Italiyaga “ko‘chib o‘tishingiz” borasidagi mish-mishlar qanchalar o‘zini oqladi?
— “Bonavento” klubi bilan doimiy aloqadamiz. Klub skauti bilan shaxsan o‘zim yaqindan tanish bo‘lib ketdim. Bu hech qanday mish-mish emas, hammasi aniq faktlarga asoslangan ma’lumot edi. Barchasini o‘zim ko‘zim bilan ko‘rib ham keldim.
— Endilikda bu klub bilan shartnoma imzolsh imkoni bormi? Yoki o‘zingiz Toshkentda qolishni avzal ko‘ryapsizmi?
— Imkoniyat 100 foiz saqlanib turibdi. Bilasizmi, koronavirus sababli yuzaga kelgan muammo mening transferimga ham ta’sir o‘tkazmoqda. Afsuski, yangi mavsumda bu transfer amalga oshish ehtimoli juda kam. Ayni damda, “Bonavento” juda qiyin ahvolda qolgan. “B Seriya” davom ettirilishi noma’lum. Qo‘shimchasiga, klubga “A Seriya”ga yo‘llanma ham berilmasligi mumkin. Boz ustiga, klub futbolchilari hali-hamon mashg‘ulotlar o‘tkazmayapti. Bunday og‘ir vaziyatda ularni mening transferimdan muhimroq ishlari bor.
— O‘zbekistonni tark etish maqsadingiz jiddiymi?
— Albatta, shu sababli birorta o‘zbek klubiga o‘tish niyatim yo‘q. Ayni damda ingliz tilini o‘rganish bilan bandman. Til professional futbolchi uchun asqotadi.
— Birmuncha vaqt oldin Abramov klub futbolchilari bir necha oydan beri maosh olmayapti degan edi. Shu vaziyatga oydinlik kirita olasizmi?
— To‘g‘risi, moashlarimiz borasida muammolar mavjud edi. Vadim Abramov aytgan hamma so‘zlari to‘g‘ri, biroq endi klub vaziyatni ancha yaxshilashga harakat qilmoqda.
— Sizni “Paxtakor”ga o‘tishingiz haqida insayderlarimiz ma’lum qilmoqda. Bu ma’lumot qanchalar to‘g‘ri?
— Ochig‘i, men bilan hech kim bu borada aloqaga chiqqani yo‘q. Chiqqan taqdirida ham “Paxtakor”ga o‘tmayman. Sababi, o‘zbek klublarida to‘p surish niyatida emasman.
— Jasur Jaloliddinov 5 yildan so‘ng o‘zini qaysi klubda ko‘rmoqda?
— (kuladi) Bir nima deyish juda mushkul. Bunday savollarga javob bera olmayman. Shunday bo‘lsada, ko‘nglimga tugib qo‘ygan maqsadlarim, orzularim bor. O‘shalarni ro‘yobga chiqarishga harakat qilaman. Agar amalga oshira olsam, 5 yildan so‘ng barchasi o‘zgacha ko‘rinishda bo‘ladi.
— Vadim Abramov futbolchilarini masofadan qanday boshqarmoqda?
— Ochig‘i, Abramov barcha futbolchilar bilan aloqani ushlab turibdi. Nafaqat Abramov, balki butun boshli murabbiylar shtabi bizning kun tartibimizni nazorat qilmoqda.
— Ayni damdagi o‘zbek futbolidagi eng kuchli futbolchi?
— Bu so‘zsiz Eldor Shomurodov.
— Ayni damdagi o‘zbek futbolidagi eng kuchli murabbiy?
— Bugungi kunda yurtimizda taktik kuchli murabbiylar ko‘p. Shunga qaramay, men Vadim Abramovni e’tirof etaman. U nafaqat kuchli taktik, balki ajoyib motivator ham sanaladi. U inson bo‘lmaganida, katta futbolga bu qadar tez moslashib ketmagan bo‘lar edim.
91   
Добавить комментарий
Ваше имя: *