Goal24.uz » Европа жамоалари » «Олтин тўп» учун асосий даъвогарлар (топ-5)

«Олтин тўп» учун асосий даъвогарлар (топ-5)

Автор: admin

Аслида айни дамга келиб аллақачон ЙEЧЛ мусобақаси якун топган, Европа чемпионати ажв палласига кирган бўлиши лозим эди. Ушбу мусобақалар катта эҳтимол билан “олтин тўп”нинг тақдирини ҳал этиши лозим бўлган бир вақтда пандемия барчасини барбод қилди. Юзага келган муаммо сабабли еврокубоклар кичик турнир режимида якунланадиган кўринади. Европа чемпионатининг келаси йилга қолдирилишисабабли, ушбу кичик турнир ғолиби “олтин тўп” учун асосий даъвогар бўлиши мумкин. Шундай экан, Стадион.узнуфузли соврин учун асосий даъвогар бўлиб турган футолболчилар бешлигини тақдим этади.
ЛионелМесси (“Барселона”)
Леони ҳеч қачон ёддан чиқармаслик лозим! У ҳар қандай ҳолатда ҳам “олтин тўп” учун асосий даъвогар бўлиб қолаверади. Унинг ер юзида миллионлаб мухлислари мавжуд. Айнан шу мухлисларнинг босими вазиятни аргентиналик футболчининг фойдасига ҳал этиши ҳеч гап эмас. Ўтган мавсумда Лео ЙEЧЛда зафар қучмасада, Копа Америка мусобақасида омадсизликка учрасада олтинчи бор совринни қўлга киритгани ёдингизда кўтарилмадими? Ваҳоланки, Виржил Ван Дейк ўша йили Леони майдонда мағлуб этган эди. Бу омил Мессини сўровномада ғолиб чиқишига тўсқинлик қилгани йўқ. “Барселона”нинг Испания чемпионлиги сари қадамлари тобора секинлашиб бормоқда, бироқ Европа чемпионлар лигасидаги зафарли юришдан умид узилгани йўқ. Шу сабабли, агар “Барселона” Примеродаги бор аламини Европа яшил майдонларига тўкса, катта эҳтимол билан Лео 7-бор ушбу совринга эга чиқади.
Криштиану Роналду (“Ювентус”)
Роналдунинг ёши ўтиб бормоқда, бироқ бу нарса майдонда сира сезилаётгани йўқ. Қаҳрамонимиз юқори даражада профессионалликни йўқотганича йўқ. Кучни тўғри тақсим қилиш орқали Роналдо мавсумни бир темпда ўтказишга муваффақ бўлмоқда. Боз устига, юзага келган паузадан Роналду зарар кўргани йўқ. У спорт формасини яхши сақлаб қолган. Тан олиш лозим, Роналду муҳим учрашувларда доимо ўзини ижобий томондан кўрсата олади. Кичик турнир шаклида ўтказилган мусобақада “Ювентус” бор кучи билан олдинга интилса, КриРо “олтин тўп”лар борасида Месси билан тенглашиб олиши ҳеч гап эмас.
Шунга қарамай, “Ювентус” аввалига “Лион” тўсиғидан ўтиб олиши лозим. Эътиборли шундаки, “Лион” жамоаси миллий чемпионат тўхтатилгани боис, аллақачон спорт формасини тўлиқ бой бериб бўлган. Жамоа ички муҳити ҳам ҳавас қиларли даражада эмас. Умуман олганда, “Ювентус” Лиссабонга кўчиб ўтиши учун “Лион” ортиқча қаршилик кўрсата олмаса керак. Агар Турин суперклуби кичик мусобақа иштирокчисига айланса, Роналду ўзи учун қадрдон майдонда “олтин тўп” ва ЙEЧЛ олтин медали учун чинакам кураш олиб боради. Туғма жангчи бўлгани боис, Криш исталган оғир учрашувни ҳам бир ўзи ҳал этиши ҳеч гап эмас. Португалиялик футболчи янги йилдан сўнг, 18 та ўйинда иштирок этди ва 18 бор рақиб дарвозаларини ишғол қилди. Бундан кўриниб турибдики, Криш ўзининг оптимал формасига кириб бўлди. Месси билан ўртадаги ҳисоб-китобни тенглаштириш учун “Ювентус” ЙEЧЛда “Барселона”дан узоқроқ бориши ҳам кифоя қилиши мумкин. Барчасини вақт кўрсатади.
Кевин Де Брюйне (“Манчестер Сити”)
Юрген Клопп “Ювентус” ва “Барселона”нинг ЙEЧЛдаги имкониятларини “Манчестер Сити” ва “Бавария”никидан анча паст ҳисоблашини яшириб ўтирмаяпти. Дарҳақиқат, Сетен ва Саррининг жамоаларида ички муҳит ҳавас қилиб бўлмайдиган аҳволда. Бундан ташқари, бу мураббийларда ЙEЧЛ борасида ҳеч қандай тажриба мавжуд эмас. Сетен мураббийлик фаолияти давомида бу мусобақада иштирок ҳам этмаган.
Бежизга “Манчестер Сити” жамоаси алоҳида қайд этилмаяпти. “Сити” АПЛ пойгасида иккинчи бўлгач, бор куч ва мотивасияни Европани забт этишга қаратиши турган гап. Гвардиола ўз шогирдларига ўз услубини мукаммал бир алпозда сингдириб бўлди. Энди улар ўрганганларини амалда намойиш этишса, бўлгани.
Ажойиб ярим ҳимоячи, ҳужум бошловчи, креатив ижодкор ва сўнгги паслар устаси саналмиш Кевин Де Брюйне “Сити”нинг бугунги кундаги чинакам етакчиси саналади. Агар Гвардиола узоқ кутилган совринини боши узра кўтарса, “олтин тўп” учун асосий даъвогар белгиялик футболчи бўлиши ҳеч гап эмас. Дунёнинг энг кучли плеймейкери “олтин тўп”га муносиб, фақат буни амалда кўрсатиш керак.
Роберт Левандовски
Роберт шунчаки фантастик мавсум ўтказмоқда. 43 та учрашув ва 51 та гол. Янги йилдан сўнг, 18 та ўйинда 21 бор рақиб дарвозаларини ишғол қилган поляк ўзининг энг яхши мавсумини ўтказмоқда. Айни дамда кўплаб экспертлар Робертни “олтин тўп” учун асосий даъвогар деб эълон қилмоқда. Шундай бўлсада, Роберт август ойида қандай формада бўлади? “Бавария” клуби-чи? Гап шундаки, тез орада Мюнхен клуби таътилга чиқиб кетади. ЙEЧЛ учрашувларига қадар орада бир ой бўшлиқ пайдо бўлади. Айнан шу вақт Робертнинг ўйинига таъсир кўрсатмаса, полшалик футболчи жуда узоқ кутган совринини ўзиники қилиб олиши ҳеч гап эмас.
Серхио Рамос (“Реал Мадрид”)
Биласизми, бу мавсумда ҳимоячилардан яна бири совринга эга чиқиши мумкин. Шундай бўлсада, Рамос бу рўйхатда аутсайдер бўлиб турибди. Барчаси сўнгги турларга келиб тамомила ўзгариб кетиши мумкин. Унинг “Реал” билан чемпион бўлиши вазиятни Рамоснинг фойдасига ҳал этиши мумкин. Рамос бу мавсумда умумий ҳисобда 12 та гол киритган бўлиб, чемпионлик учун курашда катта рол ижро этмоқда. Тўғри, “Реал” ўз уйида “Манчестер Сити”га ўйинни бой берди, бироқ Зидан қийин вазиятлардан чиқиб кетиш борасида чинакам профессионал. Катта эҳтимол билан Кевин ва Серхиолардан бири “олтин тўп” учун курашдан чиқишига тўғри келади. Сабаби, ЙEЧЛнинг ҳал қилувчи ўйинларида Кевин ёки Рамослардан бири иштирок этиши лозим.
719   

Комментарии
(1)

  1. Toyirov mirabbos 26 августа 2021 21:29
    • Не нравится
    • 0
    • Нравится
Добавить комментарий
Ваше имя: *